Shillong, Jylliew 21: Mynta ka sngi ha ka por shiteng miet por 12.30 baje ki riew sniew kiba ym lah ban tip kila thang ia ka kali Maruti Gypsy kaba don ia u number ML-04A-5050 kaba dei jong u Sandip Das ha Nongmesnong kyntoit Lumshyiap. Ha kane ka jingshah thang kane ka kali kala julor ong ki pulit.
Na ka liang jong ki pulit kila rehister ia kane ka mukotduma bad ka jingthwet ia kine ki riew sniew kiba la leh ia kane ka kam kila dang wad mynta ban kem ia ki bad leh katba shah ka ain. Ki pulit kila ong ba kane ka kali kaba shah thang ka don ha jan iing ba sah u tei u trai kali.
