Shillong, Jylliew 13: U myntri rangbah ka jylla haba jubab ia ka jingkylli jong u Dr Jemino Mawthoh ha kaba ia dei bad ka jingthied bor ding ka sorkar na ki kompeni, u la iathuh hapoh ka iing dorbar ba ka jingthied ia ka bor ding na ka NEEPCO ka long T. 6.37 shi unit, na ka HPTC T. 2.75 na ka NTPC T.3.90 bad na ka ONGC Tripura T. 2.53 ha ka shiunit.
Ka bai light kaba ka sorkar ka pynsah ha kitei ki company kaba ka sorkar kam pat lah ban siew haduh mynta ka long, ha ka NEEPCO T. 354.49 Cores, ha ka NHPC T. 21.44 Cores, ha ka NTPC T.10.04 Cores bad ha ka ONGC Tripura ka long T. 0.01 Cores.
Haba jubab ia kiwei pat ki jingkylli bynrap u myntri rangbah u la ong ba ka sorkar kan jin da la kwah eh ban thied ia ka bor ding ha ka dor kaba tad, hynrei kane kam dei ha ka bor jong ka sorkar ia ka dor la buh da ka central regulatory commission ia ka dor bai light kaba la bhah na ka bynta ka jylla Meghalaya.(SP News)
