Shillong, Jylliew 23: U bah PN Syiem u ba dei u nongialam ka liang pyrshah u la ong halor ka jingjied ia u syiem jong ka tei ka Hima kim sngew iahap halor kane ka jingleh, bad ym dei ban pynrung ia ka dorbar Hima, kur, Sirdar ha ka politic bad kin pyrshang katba lah ban ym long kum kane bad kam dei dei ruh ban jia shuh, la ong u Bah Syiem.
U bah Manstudy Nongrem u la ong ba ka hima ka dei ban neh beit kumjuh, kane ka jingleh jong ka EC ka long kaei kaei kaba ym sngewiahap ban pynlong syiem Iawrod tang mynta shisien kane ka jignleh ka dei ka jingiuhroit ia ka hok jong ki paidbah katei ka hima.
Haba jubab ia ka jingkren jong ki liang pyrshah u Bah Ardent M Basaiawmoit CEM jong ka KHADC u la ong ban kynnoh ba ka EC kala leh don bor ka long kaba bakla bad u la ong ba kim shym la leh donbor ha kaba ia dei bad kane ka hima.
Kane ka jingiakren kala mih ha dien ba u Bah K P Pangniang EM ba dei peit ia ki kam Elaka u la wanrah ia kane ka kaiphot hapoh jong ka iing dorbar ha kaba ia dei bad ka jingjied Syiem ba pura hapoh jong ka hima Malaisohmat.
U bah Pangniang u la pynsngew ha khmat ka iing baroh ka wei halor ka jingjied ia u syeim jong ka hima Malaisohmat, u la ong ba ha ka 27 tarik u bnai jymmang mynta u snem ka iing bishar ka la ai ia ka rai kat kum ka shithi WP(c) No .117 2012 ba hap ban jied noh ia u syiem ba pura jong ka ne ka hima namar kum ba ka long ym don u syiem ba pura hynrei la shu thung ia u Hilarius Waniang kum u acting syeim ka tei ka hima, kumta ka iing bishar ka la ai ia ka rai ha ka tei ka Hima ban jied noh ia u syiem ba pura.
U la ong ruh ngi leh iakane na ka bynta ka bynta ka jingbha u paidbah bad ha kaba ia dei bad ka jingjied ia u syiem la pynlong da ka election, bad kiba ia aireng hakane ka election ki don san ngut kita ki long u U bah ryngkatdor Malai u al ioh san votes, u bah Phrangjohn sing Malai u la ioh 2 votes, u bah Winal Malai u la ioh 1 vote, u bah Paialast Iawrod U la ioh 302 votes bad u bah Rangsan Sohmat u la ioh 113 Votes.
Ka Hima Malaisohmat ka la ioh ia u bah paialast Iawrod kum u syiem ba pura jong ka tei ka Hima namar ki paidbah hi ki la mon ia u kum u syiem, ia kane ka Elektion ha kane ka por la pyniaid da ki returning ophisar kiba ka KHADC ka la phah. Ia ka jingjied ia u syeim ha kane ka Hima la pynlong ha ka 13 tarik mynta u bnai, ki votes baroh ki don 723 bad kiba wan ki long 429.(SP News)
