Shillong, Rymphang 01: Ka seng Ri Bhoi Youth Welfare Organisation (RBYWO) kala phah da ka jingthoh sha u A. T Mondal myntri ba dei peit ia ka tnad pynroi nongkyndang ban kyntu ia ka sorkar ba kan buh da u Block Development Officer hapoh jong ka Umsning C&RD Block.
Ha ka shithi ka seng kala kdew shai ba ka seng ka dawa ba ka tnad pynroi nongkyndong ka dei ban thungnoh ia u BDO ba pura hapoh jong ka Block Umsning, kumba ka long mynta ka blok kam don ia u BDO bapura mynta la jan lai bnai.
Kane ka jingbym don ia u BDO ba pura kala ktah ia ka jingtreikam jong ka ophis baroh kawei namar khlem u nongpeit ia ka ophis ka long kaba eh na ka bynta ki paidbah kiba don kam man ka sngi namar ka jingdon kam jong ki paidbah ka don man ka sngi.
Na ka liang jong ka RBYWO ka kyntu ia u myntri ba dei peit ia ka tnad pynroi nongkyndong ba un peit ia kane ka jingdawa ka seng namar ka jingdon kam jong ki paidbah ka Umsning, ia ka shithi bala phah sha u myntri la soi da u Elvis Kyrsian Vice Presdient bad u bah Keny Nongrum Secretary.
