Shillong, Lber 02: Mynta ka sngi u bah Dlas Rani u wei na ki nongai dawai khasi bala trei ia kane ka kam la palat sawphew snem la phah da ka jingthoh sha u myntri rangbah ka jylla u Conrad K Sangma bad sha u CEM jong ka KHADC u bah Titosstarwell Chyne ban mang pisa na ka bynta ban thung dawai kynbat.
Haba phah sha u myntri rangbah ka jylla bad u CEM jong ka KHADC u ba Dlas u ka kyrpang ba ka sorkar bad ka KHADC kan pynrung ha kane ka jingmang tyngka na ka bynta u snem 2022-2023 na ka bynta ban thung dawai kynbat ki nongai dawai kynbat ha ka jylla baroh kawei.
Ha ka shithi kaba la phah sha u myntri rangbah ka jylla u bah Dlas la ong ba ka sorkar pdeng lyngba ka Ayush Ministry kala mang pisa T.4000 klur ban thung dawai kynbat ha ka Ri India baroh kawei bad kyrpang ia kane ka thain shatei lam mih ngi jong ka Ri india kynthup ia ka jylla Meghalaya.
La kyrpad ia u myntri rangbah ka jylla bad u CEM jong ka KHADC ba kin shim ia ka kabu na katei ka skhim jong ka sorkar pdeng ban thung dawai kynbat ki nongai dawai kynbat ha ka jylla Meghalaya baroh kawei.
Halor kane ka juh ka phang la phah ruh ia ka jingthoh sha u MLA jong ka Mawryngkeng bad u ba dei ruh uMDC jong ka Sohryngkham ban ia kren lem ia kane ka jingdon kam ki nongai dawai kynbat ha ka jylla Meghalaya ha kane ka snem mang tyngka 2022-2023 na ka bynta ki nongai dawai kynbat.
