Shillong, Naiweing 29: U MP jong ka Tura u Conrad K Sangma , u la thoh da ka shithi sha u myntri ka tnad pla pisa jong ka sorkar pdeng u Arun Jaitley, ban pynneh ia kaei kaba long mynta ban nym pynngat khajana ia u synsar.
Ha ka shithi kaba la phah sha u myntri ka tnad plas pisa jong ka sorkar pdeng u Conard u la kren shai ba ki don ki kynhun ba pynmih ia ki plastic ban ong ia ka sorkar ban buh ia u synsar ha ka GST ban oh ia ka khajana kaba heh.
Ha kane ka shithi u la thoh ba lad aka sorkar pdeng ka pynkiew ia ka khajana ia u synsar, kan long ka jingduh kaba khraw ia ki nongrep jong ka dong shatei lam mih ngi jong ka Ri India bad bun ki nongrep kin sa duh kam duh jam.
U MP jong ka Tura u la pynsngewthuh ia u mynti ka pla pisa jong ka sorkar pdeng ba u synsar u dei u jingthung ba mih na ka mariang ia kaba la thung da ki briew jong ka jylla Assam, Mizoram, Meghalaya, Ngalaland bad Arunachal Pradesh ki jylla jong ka dong shatei lam mih ngi jong ka Ri India.
Ia u synsar la pyndon kam ha kaba pynkhuid ia ki iing ki sem, lada ka sorkar ka buh ia u synsar ha kaliang jong ka GST ban oph da ka khajana kaba eh kane kan ktah ia ka dong shatei lam mih ngi jong ka Ri India baroh kawei bad bun na ki long iing long sem ki shaniah ia ka kamai ja kpoh ban pynim ia ka iing ka sem n aka rep synsar.
