Shillong, Lber 27: Mynta ka sngi u General Secretary ba dei ruh u nongai khubor ka seng HNLC u bah Saiñkupar Nongtraw la pyntip ba ki la thung ia u bah Sadon K Blah ban long u ksiang ha ka jingiakren ia suk bad ka seng.
Ha kane ka kyrwoh kaba la phah mynta ka sngi la ong ba u bah Sadon un long u nongrah ktien ha pdeng ka seng bad ki ar ngut ki ksiang jong ka sorkar, u bah P S Dkhar IAS bala shong thiat bad u A.K.Mishra, Advisor MHA Northeast (Retd IPS) jong ka sorkar pdeng ban ia kren ia suk.
Ka seng HNLC ka ong ba kane ka dei ka sien jam ban wanrah ia ka shong suk shong sain bad ki don ka jingkyrmen ba ki ksiang kin ia treilang ban wanrah ia ka jingsuk ha ka jylla, ha ka juh ka por ka seng ka khublei ia ka Khasi Jaintia Church Leaders Forum kiba la kloi ban don bynta ha kane ka jingiakren ia suk.
Na ka liang jong ka seng HNLC ka kyrmen skhem ba kane ka jingiakren ia suk kan long ha ka jingiasngewthuh lang na baroh ar liang ban pyniaid sha khmat ia kane ka jingiakren ia suk na ka bynta ka bha ka miat ha ka jylla,
