Shillong, Rymphang 06: U State President jong ka party National People’s Party (NPP) u Dr WR Kharlukhi mynta ka sngi u la thung ia u bah Pyniaid Syiem MDC jong ka Sohryngkham ba dei ruh u kyrtong jong ka party ha kane ka MDC ilekshon ba mynta ba un long kum u nongialam jong ka Parliamentary Party ha KHADC.
Kane ka jingthung ia u Bah Pyniaid ka long ba ka party kala pdiang ia ka jingmih noh jong u Bah HS Shylla na ka party NPP hapoh jong ka KHADC, ha pdeng kane ka ilekshon na ka liang jong ka NPP kala thung ia u bah Pyniaid Syiem ba un long u nongialam jong ka NPP hapoh jong ka KHADC.