Tura, Nailar 18: Ki nongtrei jong ka Garo Hills Autonomous District Council (GHADC) kila trei khlem tulop mynta la khyndai bnai lynter bad kane kala buh ia ki long iing long sem ha ka jingeh kaba khraw.
Ban bsa ia ka iing ka sem ki hap ban shim da ka ram ha ka sut kaba heh na ki riew shimet n aka bynta ban pyniaid ia ka iing ka sem. Bun na ki nongtrei ha GHADC namar ba ki dei ki kyntheiki sengewthuh bha ia kane ka jingeh.
Ha ka juh ka por ba wat hapdeng kane ka jingeh kaba ka GHADC ka ia kynduh la kynnoh ba ka ophis la la thied ia ki miej ki shuki ha ka dork aba rem na ka bynta ban shong ki EM bad ki Chairman.
U Chief Executive Member jong ka GHADC, u Denand T Sangma, u la ong “ Ka dei ka jingshisha ba ki nongtrei mynta la khyndai bnai ki khlem ioh tulop, bad kajingthied ia ki miej ki shuki ka long ban shonng ki EM bad ki Chairman namar ba ym don miej shuki”.
