Tura, Lber 5: Ka seng lehnoh Garo National Liberation Army (GNLA) mynta ka sngi kala tyrwa biang ban ia kren ia suk bad kala pynmih ia ka kyrteng jong ka United Church Peace Forum (UCPF) bad u muktiar Sujit Dey ba kin long ki ksiang ban leit ia kren bad u lat ka jylla u Dr K K Paul ba yn pynpoi sha ka jingiakren ia suk.
Ha ka jingpynlait khubor jong u commander-in-chief, kane ka seng lehnoh u Sohan D Shira, u la ong ba ki kyrpad ia u Lat ka jylla ba yn pdiang ia u muktiar Sujit Dey bad ia ka UCPF ba kin long ki ksiang ha kane ka jingtrwa ia kren ia suk.
Kane ka jingkren jong u tei u nongialam kane ka seng lehnoh ha dien shi sngi ba u political secretary jong ka seng u Bikdot Marak u la ong ba ka seng GNLA ka long kaba la leh ban ia leh.
U Sohan u la ong ba kane ki kwah ban sdang da kaba leit lyngba jong u Lat ka jylla bad la ai bor ia u Chairman ba yn sdang ia kane ka jingiakren bad u Lat ka jylla. La ong ba ia kane jingai khubor ka sorkar ka dei ban shum kum ka jingthoh kaba la phah sha ka sorkar ban pynskhem ia ka kyrteng jong kitei ki nongia kren ia suk.
Ka jingdawa jong ka seng GNLA ka long ba ki jaidbynriew Garo ki don kam ban ioh ia ka Garoland ba kan long ka jylla la ka jong bad ia kane ki lah ban pynshisha.(SP News)
