Shillong, Rymphang 23: Mynta ka sngi ka seng sain Pyrthei All India Trinamool Congress (AITC) kala pynskhem ia ki nongkit kam hapoh jong ka Nongstoin Block Trinamool Congress ha kaba la jied ia u bah Macmillan Kharbani kum u President jong ka party.
Ha kane ka sngi la jied ruh ia kiwei ki nongkit kam jong ka party, u bah Manik Singh Kharbani kum u Vice President, u bah Orland Myrthong kum u General Secretary bad kiwei ki nongkit kam ka party bad 70 ngut kiwei dei kiba la wan ban pyniasoh sha ka AITC.
Ia ki nongkit kam la pynkshem da u MLA u bah H.M Shangpliang bad u James Lyngdoh baroh ar ngut ki dei ki Vice President jong ka party, Ha kane ka sngi la ia kren halor ka nongrim kaba ka AITC ka ieng bad ban pyniaid ia ka jylla sha khmat ha ki kam pynroi.
Ha ka jingkren jong u bah HM Shangpliang, la ong ba dei tang ka AITC kaba lah ban ia khun pyrshah ia ka party BJP, na ka liang jong ka AITC kan sa iaid sha kiwei kiwei ki konstitwensi ruh ban pynkhlain ia ka party.
