Shillong, Naitung 14: U Chairman jong ka Joint Action Committee (JAC) ha kaba ia dei bad ka surok “Two Lane” na Nongstoin sha Wahkaji bad shaduh Ranikor u Bah Riki Sohlang u la ong ba na ka liang jong kane ka kynhun kala dawa na ka KHADC b aka dei ban ai noh i aka NOC ha kaba ia dei bad ka jingshna ia kane ka surok.
La iathuh ha ki nongthoh khubor mynta ka sngi ha Shillong Press Club, ba na ka liang jong ka seng kala ai ia ka jingthoh sha u CEM jong ka KHADC u Bah P N Syiem, ha kane ka jingiakren bad u ha KHADC, na ka liang jong u CEM u la iathuh ia ki ba yn dang leit Delhi ban leit pan jingpynshai halor kane ka surok bad yn da la wan phai na Delhi yn sa ai ia ka jubab, kane ka jingleit yn leit lang bad u Bah Hedrian Lyngdoh u wei na ki EM.
Na ka liang jong u Bah Stelin Thongni u ba dei ruh u rangbah shnong jong ka shnong Pendeng Umjarain, u la ong na ka liang jong ki kum ka JAC ruh ki shai bha ha kaba pan ia ka NOC, ki pan NOC i aka surok ym ban tih Uranium, ka KHADC ruh kala pynpaw shai kdar ba kan nym ai NOC ban tih Uranium, hynrei ka dei ban ai noh ia ka NOC shna surok.
Ki shnong kiban myntoi na kane ka surok ki long haduh palat ia ka hynniewphew tylli ki shnong, khien naduh nongstoin ter ter sha Duh Ranikor, na ka liang jong ki ki dawa i aka NOC ban shna surok ki khlem dawa ia ka NOC ban tih Uranium, dei na kane ka daw ba ki paidbah ka tei ka thain ki dawa na ka KHADC ba ka dei ban ai noh ia ka NOC shna surok.
Ha ka juh ka por na ka liang jong ka JAC , ka pynremjur ia kito ki briew kiba la pynthud ia ka jingialang ka jong ki kaba kila pynlong ha ka 9 tarik mynta u bnai ha Nongstoin ban dawa na ka KHADC ban ai noh iaka NOC. Kum ka JAC kin dang ap ia ka jingwan phai jong u CEM na Delhi kaei ka jubab kaba kin ioh, shuwa ba kin wan kiew sha KHADC la ka dei ban ia kiew paidbah ne ban ia wan tang ki nongialam.
