Shillong, Iaiong 07: U Bah Paul Lyngdoh kyrtong jong ka UDP ha ka jingialap election ka jong u kaba la long mynta ka sngi ha stand Taxi Jaiaw, u la ong ba u Dr Mukul Sangma u pyrshah jur ban ai tiket ia u Bah Vincent H pala namar u tip ba yn sa rem ha kane ka election MP kaba mynta.
Haba phai pat sha u Pastor PBM Basaiawmoit u la ong ba dei u president jong ka KHNAM u Bah Pyndapbor Saibon u ba la ong ba u ioh ia ka jingkyrshan jong ka seng Congress.
U tei u kyrtong jong ka UDP u la kynnoh ba pastor Basaiawmoit u lah ban dei u briew ba la pynieng da ka seng Congress lada ym jop u kyrong ka party u Bah Pala u pastor ruh yn dei jong ka seng Congress.
Ha kane ka jingialap elelction ka jong u bah Paul u la ong ba ka thong kaba ha khmat eh kaba u don ka long ban ia kren ha Delhi ban pynbeit ia u pud u sam kumba ka party UDP kala dep ai ia ka kaiphot ba dei ban don ia ka Boundary Commission bad kaba ar ka long ban kyntiew ia ki nongrep bad ka ioh kam ioh jam jong ki samla.
Ha ka juh ka por u la kyntu ia ki paidbah ba kim dei ban pynrung ia ka niam ha ka election lada ka long ha kane ka dur kan long kaba eh shibun, hynrei ia mynta dei ban pyrkhat shuwa na ka bynta ka Ri bad ka Jaidbynriew. Ka jylla Meghalaya ka dang don shibun ki jingduna.
Haba pynshai halor ka jingkhylliap noh ia ka Lama jong ka KHNAm u Bah Paul u la ong ba ha ka sain pyrthei yn nym lah ban iaid kum u hati sawkuna hap ban ia trei lang kum ka kynhun ia lehkai ban wanrah ia ka jingjop.
Kiwei kiba la kren ha kane ka jingialang ki long u Dr Donkupar Roay President jong ka seng UDP, u Bah Bindo M Lanong, ka kong Fanela Lyngdoh jong ka seng HSPDP ia ka jingialang la pyniaid da u Bah Metbah Lyngdoh.(SP News)
