Shillong, Nailur 04: U Symbut Myntri Rangbah ka jylla u bah Prestone Tynsong u la kyrshan ia ka jingleh jong u Myntri Rangbah ka jylla u Conrad K Sangma ban nym ia kynduh briew mynta ka sngi, ka daw ka long ba hapoh Secretariat la test COVID-19 ia ki 6 ngut ki nongtrei.
U bah Prestone u la ong ba ha kum kane ka por dei ban sngewthuh bay m dei ban ia pynlong mat ia kren ha kum kane ka por, namar haduh mynta ka sngi tang lai ngut ki briew kiba la test COVID-19, hynrei mynta ka sngi sa lai ngut la test COVID-19 dei na kane ka daw ba la rai ban sangeh ka jingiakynduh briew.
Na ka liang jong ka sorkar kala khang dom ia ki karma ba dei jong ka tnad pla pisa, ka tnad ain bad kum juh ka tnad IPR, la iathuh ba na kine ki 6 ngut la shem ba ki don kiba ia jan bad ki haduh 65 ngut bad na kine 30 ngut la dep ban test bad baroh 30 ngut ki long Negative.
La aithuh ba na ka liang jong ka sorkar kan ia kynduh bad baroh ki nongialam niam ha ka snginyngkong kata la 7/9/2020. La iathuh ba mynta ka sngi ia baroh ki jingiakynduh briew ha Secretariat la pynsangeh.
