Shillong, Naitung 10: Ki saw ngut kinongialam jong ka seng Congress u Randeep Singh Surjewala, u C.P. Joshi, General Secretary, AICC, Incharge North-East; U Nabam Tuki, bad u Bah Vincent H. Pala, ha ka jingpynlait khubor ka jong ki ha ka miet sngi saitjain, ki dawa ba u myntri rangbah duh jong ka Ri U Narendra Modi u dei ban jubab sha ki Ri halor ka jingiasoi ia ka soskular bad ka seng NSCN(IM).
Kine ki nongialam jong ka seng Congress kila ong ba kum ka liang pyrshah kaba peit pyrman halor ka jinglong laitluid jong ka Ri India ki buh ia ki jingkylli ha khmat jong u u myntri rangbah duh jong ka Ri u Narendra Modi bad u dei ban jubab sha ki paidbah jong kane ka Ri bad khamtam eh ha ki paidbah jong ka dong shatei lam mih ngi jong ka Ri India.
Ki jingkylli kiba ka seng congress kala buh ha khmat jong u myntri rangbah duh jong ka Ri u Modi, ka long hato kane ka sorkar jong u Modi kala ia soi iaka soskular bad ka seng NSCN(IM) da kaba ia pein i aka jinglaitluid jong ka Ri, hato kane ka sorkar kala kubur ne em ban ai noh ia ka lama la ka jong naka bynta ki Naga bad ia ka passport na ka bynta ki Naga bad ban ai laitluid ia ki Naga kumba la kam d u nongialam ka NSCN(IM)?.
Na ka liang jong ka seng Congress ka dawa ba dei ban sei madan sha ki paidbah halor kane ka soskular kaba la ia soi da u myntri rangbah duh jong ka Ri u Narendra Modi bad NSCN (IM) General Secretary, u T. Muivah?, u myntri rangbah duh jong ka Ri u dei ban wanrah hapoh parliament ia kane ka soskular kaba la ia soi,
Na ka liang jong ki tei ki nongialam jong ka seng Congress ki kwah ruh ban tip lada la ia soi ia ka soskular hato la shim lang ne em ia ka jingiamynjurlang na ki jylla kiba markhap kum ka sorkar Nagaland, Assam, Arunachal Pradesh bad Manipur, shuwa ban ia soi ia ka soskular lane ban pynkylla ia u pud u sam jong kine ki jylla, u myntri rangbah duh jong ka Ri u dei ban jubab.
Haba shim na ka jingkren jong u T. Muivah , ka seng Congress kala paw ba ki Naga mynta kin ioh iala ka jong ka Lama bad kum juh ia ka passport , hynrei la ong ba ia mynta dang hap ban buhrieh shuwa katba ym pat lah ban pyndep lut ia ka jingia pynbeit.
