Shillong, Kyllalyngkot 12: Ka seng BJP ka pynrem jur ia kine ki kam thombor ia ki kynthei khynnah kaba la sherkhei ha kane ka jylla Meghalaya bad la ong ba kam don kyntien shuh ban batai.
Ha ka jingpynlait khubor mynta ka sngi na ka liang jong ka seng BJP jong ka Meghalaya state Unit ka dawa na ka sorkar b aka dei ban buh noh ia ki Fast Track Courts ban pynkloi ia ki jingbishar ia kum kine ki jaid kam leh beijot ia ki kynthei.
Kumba ka paw ba ka sorkar kam shym la shim khia ha kaba ia dei bad kane ka jingshah leh beijot jong ki kynthei la kynnoh ka BJP, lada ka sorkar ka shim khia la dei ban don kiba shah pynrem hapoh jong ka POSCO Act.
Lada kane ka sorkar kaba la lam khmat da u Dr Mukul Sangma kum u myntri rangbah ka jylla um lah ban weng ia u myntri kam poh iing u Bah HDR Lyngdoh bad ban buh ia fast Track courts ka seng kam ban se ban leit sha ki paidbah.