Shillong, Rymphang 05: U Myntri ka sorkar pdeng u Kiren Rijiju ba dei peit ia ka tnad ain la ong ba u myntri rangah ka jylla Meghalaya u tip bha ha kaba ia dei bad ka jingdawa ia ka Inner Line Permit ha kane ka jylla Meghalaya ba ka tnad kam poh iing ka dang bisshar bniah.
Haba jubab ha kaba ia dei bad ka jingkylli kaba ia dei bad ka jigndawa ILP jong ka jylla Meghalaya, u myntri ka sorkar pdeng u Rijiju la ong ba u mytnri rangbah ka jylla Meghalaya u tip bha ia kane bad ka sorkar pdeng ka dang bishar bniah.
U Myntri ka sorkar pdeng u la ong ba lada u pynbna kam long kaba bha namar kane ka kam ka dang don ha pdeng ka jingiakren hap ban da peit bniah bha namar ka sorkar jylla bad ka sorkar pdeng haba don kam ban pynbna ia kano kano ka rai, na ka liang jong un nym lah ban pynbna.
Haba ia dei bad ka jingiakjia pud la ong ba ka sorkar pdeng hapoh ka jingialm jong u mytnri rangbah duh jong ka Ri India u Narendra Modi la bthah ia ki jylla kane ka thain ba kin ia pynbeit ia ka jingia kajia pud dang ka jingiasngewthuh jingmut na baroh arliang khlem da don ka jingia kajia.
La ong ba bun sien ka jingleh jong ki katto katne ki ophisar ne ki briew ha khppud ka juh wanrah ia ka jingiakyndad, hynrei ka dei ka kamram jong ki sorkar jylla bad ki District administration ba kan don ka jingiapynbeit da kaba suk, ka dei ban don ka jingiakren bad ka jingiasngewthuh hynrei ha kaba kut ym dei ki nongshun dei ban ia kren kum shipara.
Haba ia dei bad ki kam lehnoh ha kane ka thain la ong ba bun na ki lehnoh kila wan ban pyndem kiba sah ki long sa tang khyndait, na ka liang jong u mytnri la ong ba don kam ka jingsuk na ka bynta ban kyntiew ia ka roi ka part ha kane ka thain, kaba ka thain kala ia kynduh jingeh la bun bun snem na ki kam lehnoh.
