Shillong, Risaw 20: U Bah PN Syiem CEM jong ka KHADC u la iathuh ba ka Executive Committee mynta a sngi kala thung ia u nongbisahr jong ka iing bisahr hapoh jong ka KHADC u bah S Kharsyiemlieh ban tohkit ia ka jingkynnoh ba la ong ba la thep ia ka pisa jong ka Profesional Tax na Nongstoin bad na Nongpoh sha ka account jong u Riewshimet kaba la kot sha ka ar klur tyngka.
Haba kren ha ki nongthoh khubor la ong b aka EC kala bthah ia u tei u nongbishar ban tohkit ia kane ka kam bad ban pyndep hapoh ar bnai. Kane ka jingthung ia kane ka kynhun tohkti ka long katkum ka jingkular kaba u la ai hapoh ka iing dorbar mynnin ka sngi.
Haba ia dei bad kane ka kam ka burom ka long ia ka PDF baroh kawei ym lah ban kam, dano re dano bad ka jingthohkit kan lap ia ka jingshisha baroh, ha ka jingshisha ia ka pisa dei ban thep ha ka rukom kaba dei katkum ka lynti hynrei ka long ba ia ka pisa la pynlait khlem da leh ia ki kyndon jong ka ophis, la ong u Bah PN Syiem.
Haba ia dei bad kane mynta nga hap ban ap ia ka jingtohkit namar ba ia ka pisa ka dei ban leit lyngba jong account jong ka ophis kaba dei napoh jong ka main branch. Ha kane ka jingtohkit kan khot ia baroh kiba don kti ha kane ka kam ban tohkit baroh ki hap ban ia treilang.
