Shillong, Rumphang 09: Ka Election Committee jong ka Khasi Student Union ia kabala khlieh da u bah Samuel B Jyrwa kum u secretary jong ka EC bad u Bah Danny Khyriem kum u Chairman ha dien ba kila bishar bniah ia ki nomination pater kiba la thep ban ia khun ia ka election ban long ki nongkit kam hapoh jong ka seng KSU, kala shem ba ia ka kam president, Vice President bad Genenral Secretary ym shym don ba ia khun pyrshah.
Ka Election Committee kala lap ba ia ka kam president ka don tang kawei ka nomination bad kata ka dei ka jongu Bah Lombokstarwell Marngar, ia ka kam Vice President la shem ba ka don tang ka nomination jong u Bah Shemphang Lyngdoh Mawphlang bad ia ka kam General Secretary la theptang u bah Donald V Thabah, namar bay m don ba ia khun pyrshah ia ki la pynbna ba kila jop khlem da ia leh pyrshah.
Katba na ka bynta kiwei ki kam pat, ia ka kam Assistant General Secretary kid n ar ngut kiba ia khun, u samla Sonstar Nongkhlaw bad u samla Sumarlang Lyngdoh. Organising Secretary ki don ar ngut u samla Barikular Nongsiej bad u samla Biangbor Paliar, Education Secretary ki don lain gut, u Readyonstone Nongrum, Truelywell Lyngdoh Bad u Micheal Lawai Lyngdoh. Na ka bynta ka kam Publicity Secretary, ki don lai ngut u Ostarnic Marbaniang, u Reallystar Nongspung bad u Rapbor Nongrum, katba ia ka kam ophis secretary ki don haduh hynniew ngut bad kito ki long u, Pynskhemlang Uriah,Raymond Kharjana, D.Z Malniang,Spaindorsing Lyngkhoi, Johnson Nongkhlaw bad u Ian Gil Moore Nonghuloo.
Ka Election Committee ba la jied da ka CEC jong ka Khasi Students’ Union (KSU), ban pyniaid ia ka ilekshon kaba XIII sha ka ophis trei kam jong ka KSU na ka bynta ka samoi trei kam 2017-2020, bad ia kane ka ilekshon la rai ban pynlong ha ka 11 tarik u Rymphang, 2017 naduh ka por 8 baje mynstep haduh 3 baje janmied ha Dinam Hall, Jaiaw, Shillong.
Kumta ka Election Committee kala dep ban bishar lut ia ki kot ki sla jong baroh ki kyrtong ki ban ia shim bynta ha ilekshon kaba khatlai (13) jong ka Khasi Students’ Union (KSU). Kane ka long katkum ka khubor kaba la pynlait na ka election committee jong ka KSU.
