Shillong, Naitung 06: Ka Khasi Students’ Union North Khasi Hills District ka pynrem iaka jingleh runar bad leh riew khlaw ki pulit ka Ribhoi kat haduh ban da pynthud iaka suk ka saiñ bad buh ia u Paidbah haka shong syier rit mynsiem na ka daw ka jing thwet bad khynra ia ki dkhot ka KSU da Pulit Ribhoi.
Naka liang ka seng ka pynrem jur halor ka jingthombor ki pulit shnong Umbir da kaba pynpait pynpra iaka jingkhang Ïing u Bah Roland Mawthoh bad ka Kong Veronica Nongbsap haka por baki pulit ki dang pynlong ka jingthwet bad khynra dkhot KSU ha shnong Umbir, katei ka jingleh ki Pulit kala pynpaw shai kdar ba kadei ka kam pynhiar kput iaki dkhot ka seng bad samla bad iaka Jaidbynriew hi baroh kawei bad ka pawshai ruh baki pulit rukom treikam ki pulit tbit shlur ban trei borbah tang ha kapor badon jing iakhih ka KSU bad kiwei ki sengbhalang hynrei haba don ka jingshah thombor ki para doh para snam ba sah ha thaiñ khappud ha ki pulit Assam bad ki lehnoh Karbi (KPLT) ki pulit Jylla kim lah ban leh eiei.
Kumban shu pynkynmaw ba haka 21 Jymmang 2015 ka KSU bad ki Rangbah shnong ka Raid Nongtung ha ryngkat ki Paid nongshong shnong shnong Umsur, Rymphum, Thangru bad Tyrshing bad ki wei ki shnong marjan kiba hap hapoh ka raid nongtung block-2 kila ujor daka Ejahar ha Mawlasnai Police Outpost bad Superintendent of Police Ribhoi district pyrshah iaka kynhun Lehnoh Karbi People Liberation Tiger halor ka jing byrngem byrsit dawa pisa jubor haka dor 2000 tyngka naman ki Longiing jong kitei ki shnong hynrei kaba Lyngngoh haduh mynta ki pulit jylla ka Ri Bhoi ki mnud ban leh eiei ia ka KPLT bad kim nud hiruh ban ang tang shi kyntien ruh haduh mynta , hynrei ki trei shitom bad duhthiah duhdem ban thwet iaki dkhot ka seng la kum bathwet riew kieng atiar.
Na na liang jong ka KSU kum kaseng kaba laseng Nongrim ieng ialeh ban iada iaka Khyndew ka shyiap bad iaka Jaidbynriew kan nym pyndem da leilei ruh em, ka seng lyngba kane ka mynsiem iaki dkhot ba shahkem bad iaki ba ha iing ba shah pynthud bad shah pynduh thiah pynduh dem haki pulit ban nym duh mynsiem , ha kajuh kapor ka seng ka kyrpad iaki para doh para snam ban ai jing kyrshan ba radbah halor ka jing thombor ka sorkar ban shna jubor iaka Lynti Rel wat ha ki jing pyrshah uba bun balang bad khlem da pynbiang shwa ki Aiñ ki kyndon ban teh lakam iaka jingrung kyrthlep u Mynder ki jingkulmar kiba mih ha Ri. Bhoi ka dei na u Superintendent ki pulit bad u Deputy Commissioner kiba pynmih shuwa bad kiba sdang shuwa. Kumta naka liang ka seng ngi kynnoh beit shuwa iaki. Bad ki dei hi maki ban ban khlieh lada jia ei ei hapoh ka bri u hynniew trep, ong u Bah Vincent MakribVice President KSU North Khasi Hills District.
