Amlarem, Naulir 04:Ka long kaei kaei kaba pynlyngngoh ia ki paidbah jong ka War East kaba don hapoh hapoh ka Amlarem Sub-Division , namar tang shu slap malu mala tang kata lah duh light.Ka jingkylli ka long,balei ka jia kumne? Namar ba man ki por tang shu poi ka por 8.00 baje mynmiet la hap ban pynkhreh mombati bad Lenten namar dei ha katei ka por ka dei ka por ba shait lip ka light.
Kaba pynlyngngoh shuh shuh ka long ba wat haba rang ka bneng ruh, ha ki por mynsngi te ka biang ka light katba tang shu dei ka por ban pyndonkam noh ka la lip shiliang. Kiwei ki iing ki ioh light katba kiwei kiba plie ka don tang kum I jingrhem jong u biri ne sikret ,lah ban ong tang zero power ruh ym iahap shuh.
Katba kan shai biang ka shim por haduh shiphew ne khadwei kynta ,kaba Mut duh light 8.00 pm, ioh light pat la shisngi ynda lah 12 ne 1.30 pm. Ym tip shuh ban ong kaei ka daw, Ka jingkylli ka mih ” Hato ym don nongtrei? ne Kim tip mo ban shna, Ne ki shu shna tang dep tang ba kin pyrta ki khynnah ba la poi ka light ha ki por mynsngi, namar katba kan lip ki khynnah rit ki lah da thiah.
Kane ka jingduh bording u paidbah u thnum man ka por namar ka bill light pat te baroh arphewsaw kynta ka pyni ba ka biang ka light thik thik .Hynrei kumba ka paw mynta imat ki ba shna ia ki bill light jongngi ki niew ne ki khein ba ngi dei ki nongsiew ym ki nongpyndonkam,lane lehse ki long ki ba matlah ne ki bymdon ka jingsngewlem,namar kumno kin shna bill pura sha ki paidbah haba ka electricity kam biang.la ong u Bah S. Pamksang uwei na ki riew rangbah katei ka thain War East
