Shillong, Iaiong 16: Ka Khasi Student Union Laban Circle mynta ka sngi u President ka seng KSU Laban Circle u Samla Reuben Najiar ha ryngkat u secretary ka seng u samla Jason Laloo ki la phah da ka jingthoh sha u Myntri Rangbah ka jylla ka Jylla u Conrad Sangma bad kumjuh ruh sha u Myntri ba dei khmieh ia ka tnad kam pohiing ka Jylla u bah Prestone Tysong bad sha u DGP ka Jylla Dr LR Bshnoi.
Kane ka shithi ka long ban pynpaw ia ka jingniew bein bad ka jingleh shiliang khmat jong ki Pulit ka Laban bad hapoh ka tnad khamtam ia ki samla Khasi bad ruh ia ki dkhot ka seng KSU. Kat kum kane ka shithi ki la pynpaw ia kawei na ki jingjia ki ba la jia ha ka 12 tarik u 2024 halor ka jingshah shoh shahdat jong ki ar ngut ki samla barjylla ha ki briew kim bym lah ban ithuh.
Halor kane ka jingjia na ka liang ki borpulit jong ka Labna ki kem noh ia uwei naki samla khasi hakne kajuh ka sngi ha ka ba la ong ba ka jingkem jong ki pulit ia une u samla khasi ka long long hadien ba ki bor pulit ki la iohi ba ki la don ki kato katne ngut ki briew kiba la pynsaphriang ha ki ryngsan social Media ia kawei ka dur ba don ia uwei u briew ba iap u ba dei u bar Jylla.
Ha katei ka dur da ka tynsat lang ia ka jingthoh kaba ong “Iap uwei u bar Jyll ana ki ar ki ba shahshoh ha kane ka sngi” kat ba ka dur pat ka dei ka met iap ka ba dang khreh ban rah leit thang jong uwei pat u rangbah bar Jylla u ba la iap na kadaw jong ka jing pang.
Ki Pulit ki la rah ruh iaune u samla khasi sha ka iing Kashari ban panbor na ka iing kashari ban set ha byndi khnang ban ioh ban pynlong ia ka jingthoh kit hynrei tang ha ka sngi ka ba bud kata ka 13 tarik u Iaiong 2024 ki pulit ki la pynlait noh ia u namar ba kim shym la lap kino kino ki sabut pyrshah ia u.
kane ka jingpynlait ki pulit ia une u samla ka long hadien ba ki la ioh ia ka jingpynshi sha na uwei na kine ki bar Jylla u ba shah shoh ha ka 12 tarik b aune u samla umdei u ba ia donbynta ha lor ka jingshah shoh jong ki.
Ka KSU ka pynpaw ba ka tnad Pulit ka dei ban leh eiei halor ka jingsaphriang ki khubor hamsaia ki ba lah ban ktah ia ka shong suk shong sain ha ka Jylla khamta ha kum kine ki ja ka ba ki ia shong khleh ki jaidbynriew.
Ha ka shithi ki la buhruh ka jingkyrpat ba ki Pulit ki dei ban kem mardor ia kine ki briew bad ba ki dei ban pynshitom kat kum ki kyndon ain. Ki la pynpaw ruh ba la da ki dkhot jong ka seng KSU ki buh ia kino kino ki jingthoh ne ki dur hapoh ki ryngsan social Media ki ba dei pyrshah ia ka sorkar na ka liang ka Cyber Crime ka kloi ban khot ia ki.
Halor kane ka jingkem pathar jong ki Pulit ia ki samla khasi khlem da don ia ki sabut ki ba biang tang shu jia kano kano ka jingshah shoh ki bar Jylla ha ka ba na ka liang ka KSU Laban Circle ka la pynpaw ka jingsngew bynniaw halor kane ka jing leh shiliang khmat jong ka tnad Pulit.
