Shillong, Jylliew 28: Ka seng samla pule KSU Delhi Unit mynta ka sngi kala leit ban ai da kajingthoh sha u myntri khynnah ba dei peit ia ki kam poh iing jong ka sorkar pdeng ha Nongbah Delhi ha kaba ia dei bad ka jingshah kren bein ka long kmie khasi ha ka sngi u Blei ha ki nongpyniaid jong ka Delhi Golf Club tang na ka daw jong ka Jainsem.
Ha Shillong ka Chairperson jong ka Women Commission ka kong Thelin Phanbuh kala khot ia ka jingialang jng ki seng kynthei kane ka jylla ha kaba kila pynrem ia ka jingleh jong ki bor ba dei peit ia ka Delhi Golf Club ha kaba kila kren khlem da tip ia ka kong Tailin Lyngdoh haba riam ia ka rain tynrai da kaba sem.
Kane ka jingleh ka long pyrshah ia ka riti dustur jong u paidbah khasi kum ki jaid bynriew rit paid. Ki kynthei khasi ki sem bad kane jainsem ka long kaba ia don burom bad la juh pyni paidbah ruh ha ki rynsan jingiakop ha kylleng ka pyrthei ha kaba ka pyrthi baroh kawei ka burom ia kane ka rukom riam tynrai jong ki Khasi.
Kane ka jingleh jong ki nongpyniaid jong ka Delhi Golf Club ka pyni ia ka jingsah biej ka jong ki ha kaba kim tip bad ka dei ka hok jong ka kong Tialin Lyngdoh ba kan riam bad ia kane la pynskhem da ka Riti synsahr jong ka Ri. Ha ka juh ka por ka Commission ka ai burom ia ka N Borthakur kaba la ai jingkyrshan rat bah ia ka kong Tialin ha kane ka por jong ka jingeh.
