Shillong, Rymphang 10: Ka Sonali Mishra IPS, ka Additional Director Genenral ki shipai Border Security Force (BSF) jong ka Dong moh ngi kala wan jngoh ia ka ia ka khynhun ki shipai BSF kiba don ha kane ka jylla Meghalaya bad ha kane ka jingwan kila ia kren ia ka jingiada ha khappud bad ka Bangladesh.
Kane ka ADG kala wan sha Meghalaya ha ka 9/2/2024 bad kala pynkut mynta ka sngi ka 10/2/2024, ha kane ka jingialang na ka liang jong u IG ka Shillong Frontier u la pynsngew sha ka ADG ia ki jingeh kaba ki ia kynduh ha khappud bad ka Bangladesh.
Ha kane ka jingiawan jngoh jong ka kala ioh ruh ban iakren ia ka rukom pyniaid iaki kam jong ka ophis, kala leit ban jngoh ia ka Hospital kaba don ha Shillong bad kala ai jingkren ruh ia ki ophisar bad ia ki shipai BSF ha Shillong.
Mynta ka sngi ka la leit ban jngoh ia ki BOP kiba don ha khappud bad ka Bangladesh ha South West Khasi Hills District ban sngewthuh ia ka jingeh kaba don ha khappud ha kane ka jylla Meghalaya bad kala ai ka jingiaroh ia ki shipai BSF kiba la aiti met badmynsiem ha kane ka jingiaida ia la ka jong ka ri ha khappud
Ha kane ka jingleit sha khappud kala plie ruh ia ki ing jong ka BOP kaba thymmai ha Nolikatta kaba hap hapoh jong ka South West Khasi Hills District,ha kane ka sngi kala ia kynduh ruh ki nognkit kam shnong kiba don ha khappud bad ka Bangladesh.
