Shillong, Jymmang 09: Mynta ka sngi kumba 14 ngut ki lenoh na ka seng GNLA kila wan ban pyndem ha khmat jong ka myntri kam poh iing ka jylla, ha kane ka jingwan pyndem kila wan ban aiti ruh ki suloi AK 47 bad shibun kiwei ki tiar ialeh ryngkat bad ki kot ki sla kiba ia dei bad ka seng.
Ka jingpyndon kam jong ka sorkar jylla ia ka Hill Storm operation III kala ktah jur ia ka seng GNLA bad kala pynlong ia kiba bunki hap ban wan pyndem noh ha khmat jong ka sorkar , kane kala wan ban urlong da ka jingtrei shitom jong ki seng niam bad ki seng bhalang ban pynsngewthuh ia ki ba ki dei ban wan phai sha ka lynti kaba dei.
Kine ki dlhot jong ka seng GNLA kiba la wan banpyndem wait mynta ka sngi kiba bun ki dei na ki thain jong ka Nongal kaba hap hapoh jong ka East Garo Hills. Ka burom kaleit ruh sha ki heh pulit jong ka East Garo Hills bad South Garo Hills kiba la trei shitom ban pynlong ia kine ki dkhot jong kane ka seng lehnoh ban kin wan ban pyndem noh ha khmat jong ka ain.
Ha kane ka jingwan ban pyndem na ka liang jong ki dkhot jong kane ka seng lehnoh kila pynpaw ba kila sngewngiah ia ka jingleh don bor jong u C-In-C jong ka GNLA u Sohan D Shira u ba la pyndon kam ia ki la kum ia ki mraw, kila kynnoh ba ia ka pisa kaba kila dawa na ki paidbah la phah sha u ha dien ba kila thied ia ka bam ka dih ka jong ki.
Kine ki dkhot kiba la wan ban pyndem wait mynta ka sngi kila kynnoh ba u tei u nongialam jong ka GNLA ia kapisa kaba bun kaba kila dawa na ki paidbah, u la buh ha lade ban thied jaka bad sam sha kiba ha iing ha sem ki jong u kila kynnoh.
Ha kane ka sngi na ka liang jong u heh duh jong ki pulit ka jylla Meghalaya u DGP u la ai ka buromsha ki nongialam niam bad ki seng bhalang kiba trei shitom ban wanrah biang ia kine ki samla kiba la shah ialam bakla ba kin wan phai biang ba kin iaid ha kalynti kaba beit.
