Shillong, Lber 08: U Deputy Chief Executive Member jong ka KHADC u bah Gigur Myrthong mynta ka sngi u la wan rah ia ka mang tyngka na ka bynta u snem 2022-2023 kaba duna T.17000/- tyngka.
Haba kren hapoh ka iing dorbar haba wanrah ia ka mang tyngka, u bah Gigur u la ong ba ka khein ba ka jingpynlut ha u ne u snem mang tyngka kan long T.19,49, 766, 210/- tyngka bad ka jingmih kaba kila khien antad ba kin ioh ha kane ka snem kan long T.19,49,749,210/- tyngka.
Haba kren hapoh ka iing dorbar jong ka KHADC la ong ba ka jingpynlut kan kham bun ia ka jingmih ha kane ka snem mang tyngka bad ka jingkhien la ong ba ka jinglut kan long khambun ban ia ka jingmih bad ka jingpunlut tam kan long T.17000/- tyngka.
Ha kane ka jingkrean haba wan rah ia ka mang tyngka na ka liang jong u bah Gigur u la pyntip hapoh ka iing dorbar ba iaka pisa kaba la mang kan long na ka bynta ka tulop jogn ki nongtrei ka District Council bad ki jingpyntrei na ka bynta ki kam pynroi kiba ka ADC ka pyntrei.
Ka jingiashong dorbar mang tyngka jong ka KHADC kaba la sdang mynta ka sngi kan long lai sngi lynter ia ka mang tyngka yn pdiang da ka iing dorbar ha ka sngi Balang, ha kane ka sngi sdang u EM ba dei peit ia ka tnad Elaka u la wanrah ia ka kaiphot hapoh ka iing dorbar ia ki Elekak kiba la dep ban jied ia ki khlieh nongsynshar.
