Shillong, Lber 25: U Bah Pyniaid Sing Syiem Deputy Chief Executive Member hapoh jong ka KHADC mynta ka sngi u la wanrah ia ka mang tyngka na ka bynta u snem 2019-2020 ha ka jingduna pisa kaba T.48,540 tyngka.
Ha ka jingkren jong u Bah Pyniaid haba wanrah ia kane ka mang tyngka, u la ong ba la antad ba ka jingmih na ka bynta u snem 2019-2020 hapoh jong ka KHADC kan long T.215,35,68,860 klur tyngka bad ka jinglut kan T.215,36,17.400 klur tyngka bad ka jingduna pisa kan long T.48,540 tyngka.
Haba wanrah ia kane ka mang tyngka na ka liang jong u Bah Pyniaid u la ong ba na ka liang jong ka Executive Committee kan wad ki lad ki lynti kumno ban pynkhlain ia ka jingpynmih pisa bad ha ka juh ka por ban tehlakam ia ka rukom pyndon kam ia ka pisa na ka bynta ka jingbit jingbiang jong ka Council.
Haba ia dei bad ka jingmih jong ka Council u la ong ba ka jingmih kaba bun hi ka dei na ka professional Tax bad kiwei kiwei ki tnad trei kam jong ka Council, ha ka juh ka por ruh u la pyniia ka jinglut kaba ka Council ka dei ban pynlut.
