Shillong, Naiwieng 20: U bah PS Dkhar Deputy Commissioner jong ka East KHasi Hills District, u la pynmih ia ka jingmaham ba ymbit ban rah pisa palat ia ka T.50000/- tyngka sha kito ki konstitwensi kiba ka election MDC shiteng samoin kan long ha ka 13 tarik jong u bnai Nohprah mynta u snem.
Ki Konstitwensi kiba hap hapoh jong ka East Khasi Hills ki ban leit sha ka MDC election shiteng samoi ha u bnai Nohprah ki long ka 22-Nongspung-Sohiong, ka 8-Nongkrem bad ka 15-Laban-Mawprem konstitwensi. Lada lap iano iano ba rah palat ia kaba la bthah yn knieh noh ia ka pisa.
Na ka liang jong u Deputy Commissioner u la ong ba kane ka hukum kan trei kam noh mar dor naduh ba la pynmih ia kane ka hukum.