Shillong, Lber 30: U Additional Director General ki pulit (CID) jong a sorkar Meghalaya u la ong ba ki ‘Social Media’ ki long ki jingma ia ka imlang sah lang, ka jingdon jong ka internet ka long kaba ma ia kito kiba pyndon kam ia ka ha ka rukom kaba sniew.
Dang shen ki pulit kila lap ba la don ki briew kiba pyndon kam ia ka Video jong ki riew shimet bad buh ia ka ha ka social media, ha kaba la edit ia ka bad buh pat ha ka rukom kaba long isaitmet ban peit bad kane kala saphriang lyngba ka Whatsapp, Youtube, Instagram, kane ka long pyrshah ia ka ain Information Technology Act, 2000.
Na ka liang jong u Additional Director General jong ki pulit Police (CID), ka jylla Meghalaya, u la maham tyngeh ia kito ki briew kiba juh mlien ban buh ia ki dur khlem akor bad lada lap iano iano kiba pynsaphriang ia kum kine ki jait dur ne Video u ne ka kin shah pynshitom bad kin shah set phatok haduh hynniew snem.
