Shillong, Rymphang 20: U Symbut Myntri Rangbah ka jylla u bah Sniawbhlang Dkhar haba jubab ia ka jingkylli jong ka Miani D Shira la ong ba ka sorkar ka don ka jingthmu ban pyntrei kam ia ka Baljek Airport kaba don ha Wet Garo Hills Tura.
Haba jubab ia ki jingkylli bynrap na ka liang jong u myntri la ong ba ha ha u snem 2013 la ong ba don kam ban shim jaka shuh bad ka sorkar ha kala shim jaka shuh sa 50 akar, hynrei na ka Airport Authority jong k Ri India kala ong ba ka don kam sa 68 akar ka jaka.
Haba ia dei bad kane ka sorkar kala pynrkheh ban shim jaka biang ban pyneh ia katei ka kad liengsuin khnang ba ki eroplane kiba rit ki ATR Eroplane kin lah ban hiar ha katei ka jaka ka jingpynkhreh ban shim jaka shuh kala dang iaid sha khmat.
La iathuh ba ka jingjrong ka jaka ban pynher ia ka liengsuin kaba don mynta ka long tang 1100 meter hynrei kaei kaba don kam ban hiar ka Eroplane ATR ka jaka ban mareh ka dei an long 1750 meter dei na kane daw ba don kam ban shim jaka shuh sa 68 akar.
Ka shtihi kaba khatduh kaba la ioh na ka sorkar pdeng ka long ha 12 Jymmang 2023 kaba la ong ba ym don ba tyrwa ban pyniaid ia ka kad lieng suin Baljek Airport kba don ha West Garo Hills District.
Na ka liang jong ka sorkar ka dang bteng ia ka jingiakren bad ka sorkar pdeng ban pyniaid ia kane ka kad liengsuin lyngba ka UDAN skhim bad ka sorkar dang pyrshah ia baroh ki lat ki lynti ban pyntreikam ia kane ka kad liengsuin.
