Shillong, Nailur 02: Ka select Committee, mynta ka sngi kala ia shong ban mir jingmut halor ka Residential Bills kaba la wanrah hapoh ka iing dorbar thawain jong ka jylla, iakaba ym pat lah ban pdiang da ka iing dorbar hynrei la phah ia ka sha ka select committee ban bishar bniah biang ia ka shuwa ban ioh ia ka jingmynjur jong ka iing dorbar.
U Myntri rangbah ka jylla u Dr Mukul Sangma u ba khlieh ia kane ka committee kum u Chaimran haba kren ha ki nongthoh khubor mynta ka sngi u la ong ba ha kane ka jiakynduh mynta ka sngi kila ia mir jingmut kyndon ba kyndon jong kane ka Residential Bill bad kim shym la lah ban pyndep bad kin dang ia beteng biang ia kane ka jingiakynduh haka 7 tarik mynta u bnai.
La ong ba ki MLA kiba dei ki dkhot jong kane ka Bill kila ia poi sha kang ka jingialang, laitnoh ar ngut namar ba kim don hapoh ka jylla, u Bah Metbah Lyngdoh na ka seng UDP bad u Cherak W Momin, hynrei kiwei kila ia don. Ka jingthmu ka long ban wanrah biang ia kane ka bill ha kane ka sien shong dorbar kan ban sdang ha ka 9 tarik mynta u bnai.
