Shillong, Nohprah 01: Na ki 34 ngut ki kyrtong kiba la thep kyrteng ha ki hynniew tylli ki MDC constituency kiba lait na ka jinghiar shuki noh ki MLA kiba bat kam ar maloi, u ba la weng noh ia lade dei tang u Bah S. Cleverson Roy Syremlieh jong ka seng BJP namar ba u dei tang u kyrtong bynrap.
Ki hynniew tylli ki MDC Constituency kiba lait ki long kawei ha JHADC, n aka 1-War East hapoh jong ka JHADC bad ha KHADC ki don haduh hynriew tylli, ka Nongkrem, Mawprem-Laban, ka Nongspung-Sohiong, ka Mairang-Nongkhlaw , ka Mawthadraishan-Pariong bad ka Rambrai Jyrngam.
Ka Election ban jied ia ki MDC ban pyndap ia kine ki shuki kiba thylli kan long ha ka 13 tarik mynta u bnai bad kum ba ka long na ka liang jong ki kyrtong kila duh thiah duh dem ban leit na kawei ka jaka sha kawei pat ka jaka ban pan ia ka jingkyrshan jong ki paidbah.
