New Delhi, Rymphang U Myntri Sorkar Pdeng ba dei khmih ia ka tnat Youth Affairs and Sports,Anurag Singh Thakur un wan iashim bynta ha ka prokram ban plie ia ka Khelo India University Games 2023 hanongbah Guwahati ha ka 19 tarik u Rymphang.
U nongrwai bad nongthawjingrwai ba pawnam, u Paponun ai ki surjingrwai ha Sarusajai Sports Complex, Guwahati ha ka 19 tarik u Rymphang.Ki jingialehkai kin long ha baroh ki hynniew tylli ki jylla ka thain shateilammihngi bad kin kut ha ka 29 tarik u Rymphang.
U Myntri Sorkar Pdeng, Anurag Singh Thakur un iashim bynta ha ka Khelo India University Games ha ryngkat u Myntri Rangbah ka jylla Assam, HimataBiswaSarma. U Myntri Rangbah Duh, Narendra Modiun ai mynsiem ia ki nongialehkai lyngba ka video message.
Kane ka dei ka bynta kaba saw jong kane ka lympungialehkai. Jan 4500 ngut ki nongialehkai na 200 tylli ki skulbah kin iashim bynta ha ka KIUG 2023.La khmih lynti ba u AngaraagMahantaiauba tip kham bha kum u Papon un pynsdang ia kane ka KIUG 2023 -Ashtalakshmida ka jingshongshit.
Ka Myntri ka Tnat sports and youth welfare jong ka Sorkar Assam, NanditaGarlosaka la ong ba ka jingiashim bynta u paponkanpynphuhpynphieng ia kane ka prokram ban plie ia kane ka lympungialehkai.
“U Papon u dei ubapawnam bha bad ki samla jong ka India bad ka Guwahati kan iohsngew live ia u. Ngi la don ki briew kiba tbit bha ha ka put ka tem bad ki surjingrwai kum u BhupenHazarikahynrei ka jingrwai kaba sngewtynnad kam khein ia ka rta. U Hazarikabad uPaponki don la kijong ki jinglong kyrpang bad hangnengim dei ban klet ia u ZubeenGarg,” la ong ka Garlosa.
Kane ka jingplie ia kane ka lympungialehkai kan pdiang ia ki nongwan khlem kanokano ka jingshim pisa bad kan pyni ruh ia ka jingngeit ha ka jingiatylli, ka jingiapher bad ka rukom ialehkai kaba burom lang ia baroh. Shuh shuh, yn pyni ia ka deiriti jong ka Assam lyngba ki jingsaindur tynrai ka ban pynkhlain shuh shuh ia ka jingpyni ia ka deiriti ha kane ka prokram.
Lah ban shu kdew hangne ba ka Khelo India University Games 2023 Ashtalakshmika la sdang ha ka Sngi Saitjain lyngba ki jingialehkaikabaddiha kaSarusajai Stadium. Phra tylli ki kynhun ki dang iakhun ban long ki lahduh.
Ka KIUG ka long shi bynta jong ka sienjam Khelo India jong ka Sorkar India ia kaba la sdang ha u snem 2016. Ka Khelo India mission ka peit bniah ia ka jingkyntiew ia ki kam ialehkai ha ka imlang sahlang bad ka jinglap ia ki nongialehkai ba don sap na kylleng ka ri. Ka Sarusajai Sports Complex ha Guwahati ka dang pynkhreh ia ka prokram ban plie ia ka Khelo India University Games 2023 Ashtalakshmiha ka 19 tarik u Rymphang.
