Shillong, Lber 10: U myntri symbut jong ka sorkar jylla ba dei peit ia ka tand sam bam u Dr RC Laloo haba jubab ia ka jingkylli jong u Dr Donkupar Roy ha kaba ia dei bad ka kam sam khaw rashon, ia ki nongdie lang, u myntri u la ong ba ka sorkar kan kham pyrkhat ban ai sha kito kiba nang te ia ki kor computer ba kin dup lah ban kyntiew ia ka jingkhien jingdiah hapoh ki kor computer.
La iathuh ba ha ka jylla baroh kawei ki nong die khaw lang kiba la thung da ka sorkar ki don 280 tylli bad ia ka jingioh nong jong ki nong die khaw lang kiba dei jong ka sorkar ka dei na ka bai kit ba la buh da ka sorkar kaba long T.1.43 tyngka.
U myntri rangbah ka jylla u Dr Mukul Sangma haba jubab ia ka jingkylli jong u Bah Witting Mawsor ha kaba ia dei bad ka jingplie ia ki police station ha ka jylla, u myntri rangbah u la ong bay n pyndep ban plie ia ki baroh shuwa ban kut u bnai Jymmang bad la shai ka sngi ynplie ia kaba ha Nartiang.
Halor ka jingkylli jong u Bah Ardent M Basaiawmoit ha kaba ia dei bad ka jingshallan tuh ia ki masi sha Bangladesh, na ka liang jong u myntri rangbah ka jylla u Dr Mukul Sangma u la ong ba ka sorkar kala pynsngew ia kane ka jingeh sha ka sorkar pdeng bad don kamia ka jingiatreilang ba ki shipai BSF.
U myntri rangbah u la ong ba ka jingkhaii tuh ha kahppud bad ka Bangladesh kam dei tang ia ki masi hynrei don bun kiwei kiwei ruh, ha kaba la don ka jingshah tuh ia ki Bike na Tura bad la shallan ia ki sha Bangladesh.
Ka sorkar pdeng ka kwah ban pynkhlain ha kaba ia dei bad ka jingpahara ia ka khappud bad ka Bangladesh bad kala pan jaka shuh shuh bad kane ka long ka jingeh kaba khraw ban ioh jaka bad ha ka juh ka por ban pyndep noh ruh ia ka jingker ksianar shiah.
