Shillong, Jymmang 25:Ki thymmei khubor ki iathuh ba kane ka jingleit ia kynduhjong u myntri rangbah ka jylla ia u V. Shanmuganathan, ka long halor ka jingwan jong u myntri rangbah duh jong ka Ri u Narendra Modi ha kane ka nongbah Shillong ha ka 27 tarik mynta u bnai.
U myntri rangbah ka jylla u Dr Mukul Sangma un leit ban ia kynduh ia u Lat jong ka jylla u V. Shanmuganathan ha Raj Bhavan mynta ka miet. Kane ka jingleit ia kynduh ka long kaba don kam namar ba ki para Congress MLA kila leit ban dawa na ka nongialam jong ka seng Congress ka Sonia Gandhi ban bujli nongialam hapoh jong ka Congress Legislature party.
Katkum ki lad khubor kiba la lah ban ioh la ong ba kane ka jingleit jong u Dr Mukul Sangma ban ia kynduh ia u Lat ka jylla ka long halor ka jinglong jingman jong sain pyrthei hapoh ka jylla, ia ka jingthmu jong u myntri rangbah halor kane ka jingleit ia kynduh ym shem la lah ban tip, ka lah ban long ba u lah ban tyrwa ban hiar shuki noh ne ban wad ia kiwei ki lad ki lynti ban pynbeit ia kane ka jingiakhih na ki MLA congress.
