Shillong, Rymphang 05: U nongialam ka liang pyrshah ha iing dorbar thawain ka jylla u bah Ronnie V Lyngdoh, lem bad ki MLA jong ka seng Congress kin leit ban jurip ia ka jingkieng Damsait kaba dang maramot mynta.
Katkum ka shithi kaba la phah da u Chief Engineer ka National Highway ka tnad sha surok u C N Sangma kaba u la phah sha u Chief Engineer ka MeECL ba dei peit ia ka jingtrei ba ka jingleit ban jurip ia katei ka jingkieng kan long ha ka 12/2/2024.
Haba phah ia katei ka shithi na ka liang jong u Chief Engineer ka National Highway u la kdew ia ka shithi kaba la ioh pdiang na u nongialam ka liang pyrshah hapoh ka iing dorbar thawain ak jylla ba u kwah ban leit jurip ia katei ka jingkieng.
Ha kane ka jingleit jurip kin don lang ruh ki MLA na ka party Congress ban jurip ia kane ka jingmaramot ia kane ka jingkieng bad kane ka jingleit ban jurip kan long ha ka por 11.00 baje mynstep, la kdew ha ka shithi.
