New Delhi, Rymphang 07: Ka President jong ka India, ka DraupadiMurmu kan plie ia ka prokram deiriti kaba 4 sngi ka “Vividhta ka AmritMahotsav: Ka jingpyni ia ka jingiar ka deiriti ka thain shateilammihngi ha ka 8 tarik Rymphang 2024 ha ka por 11.15 mynstep ha AmritUdyan, Rashtrapati Bhavan, New Delhi. U Myntri sorkarpdeng ba dei khmih ia ka Tnat DoNER, Culture and Tourism un iadonlang ha kane ka jingialang.
La pynlong ia kane ka jingialang kum shi bynta ka UdyanUtsav, 2024 ha AmritUdyan hapoh phyllaw jong ka RashtrapatiBhavan. Ia kane ka prokram la pynlong da ka Tnat Development of North East Region ha ka jingiatreilang bad ka Tnat Deiriti.
Ia kane ka tamsa la pyniaid ia kane ka jingialang lyngba ka CPSE jong ka DoNER, Northeastern Handicrafts bad Handlooms Development Corporation Limited (NEHHDC). Kane ka Mahotsavkan sdang naduh ka por 10 baje mynstep haduh 8 bajemynmiet. Yn donkam ban siew bai rung ha kane ka prokram.
La saindur ia ka bynta ba nyngkong jong ka Vividhta ka AmritMahotsav ban pyni ia ka jingiar jong ka deiriti ha ka thain shateilammihngi, kaba wanrah lang ia ki rukom shna tiar tynrai bad ka deiriti ha kawei ka jaka. Kane kan long ka jingpyni ia ka deiriti kaba iar bad ka Mahotsav kan long palat ia ka jingrakhe.
Kane ka tamasa ka thmu ban kyntiew ia ki rukom shna tiar tynrai, ki jingthainjain, ki mar rep bad kane kan iarap ia ka jingkiew ka thain bad ki mat kiba kongsan ki long, Ki tiar shna kti, ki jain bad ki mar rep, ka jingpyni beit kumba ka long ia kaei kaba kin leh, ka jingpyni ia ka deiriti, ka jingdie ia ki mar bam bad kiwei kiwei ki kam yn sa pyniad ha kitei ki sngi.
