Shillong, Naitung 14: Ka Kur Syiem Mawnai Mawlong kum ka dak ka jingkynmaw ieid bad burom ia u ia u Tirot sing Syiem kan leit ban buh syntiew ha u mot Tirot Sing Syiem ha Mairang ha ka 17 traik mynta u bnai.
Ka jingthmu jong ka tei ka kur ban leit buh syntiew ka long ka jingsngew burom ia ka sngi iap ba 179 u Syiem Tirot Sing, u Syiem ka Hima Nongkhlaw, wat la u Tirot sing Syiem u la iap noh la slem bha hynrei ka nam ka jong kam shym la jah noh.
La kyrpad ia kiba haiing hasem jong ka Kur baroh na kylleng sawdong kiba don ha ka Hima Khadsawphra bad shabar ka Hima ba kin iapoi lang ha katei ka sngi. Bad shwa ba kin leit buh ia u syntiew ha u tei u mot kan don ka jingiakynduh lang shwa ha Lad Mot Tirot Mairang ha ka por mynstep.(SP News)
