Shillong, Naitung 02: Ka Board Meeting jong ka Mawkynrew Cup Committee kaba la long ha ka 30th June 2018 kala iatai sani bha kumno ban pyntyllun biang ia ka 2nd Mawkynrew Cup 2018, kum shibynta ban pynbit pynbiang bad ka jing pynkhreh ban sdang noh shen sa shisien ia ka 2ndMawkynrew Cup 2018.
Ha kane ka jingiakynduh lang da kawei ka jingmut ka Board Meeting kala shim ia ka rai ban pynlong da ka Workshop kaba ar sngi kynthih ha ka 7th & 8th Naitung 2018 na ka bynta jong baroh ki Referees kiba shong hapoh u pud u sam jong ka Mawkynrew Constituency bad ia ka tarik kaba khatduh ban pdiang ia ki kyrteng kan long ha ka 4th Naitung 2018
Ka Mawkynrew Cup Committee ka khot sngewbha ia baroh ki khun samla kiba don hapdeng karta 17 – 30 snem kiba shong ba sah hapoh u pud u sam jong ka Mawkynrew Constituency kiba kwah ban ishimbynta ha katei ka ‘Workshop for Referees’ Ia ki jingtip ba kham bniah lah ban phone sha kine ki nos: 8837469962 / 9774939150.
