Shillong, Naitung 01: East Khasi Hills Under-19 Open Judo Championship (Boys & Girls) yn pynlong naduh ka 16 tarik haduh 18 tarik ‘Naitung 2014 ha Indoor Sports Hall JN Sports Complex Polo ground Shillong ba la pynbeit da ka Office U District Sports Officer East Khasi Hills ha ka jingiatreilang bad ka Meghalaya Judo Association (MJA).
Ia ki entry form lah ban ioh na Office DSO Polo lane na Dojo (Judo Hall) MJA naduh ka 7 tarik ‘Naitung 2014. Ha kajuh ka por, U Bah Larry P Warjri, President MJA bad Vice President Judo Federation of India (JFI) la jied da ka JFI ban long kum U Nongkhmih Pyrman (Oserver) halor ka jingiaid beit ka Annual General Meeting (AGM) jong ka All Assam Judo Association (AAJA) bad ban pyniaid ia ka Elekshon jied nongkitkam thymmai ka AAJA ha ka 5 tarik ‘Naitung ha Guwahati.(SP News)
