Shillong, Kyllalyngkot 17: Ka seng Mahila Morch jong ka seng BJP kan sa thoh sha ka sorkar pdeng, ha u myntri kampoh iing jong ka Ri India b aka sorkar pdeng ka dei ban tuklar lem ia kane ka kam khaii met kaba la mih pyrthei hapoh kane ka jylla Meghalaya ban phah tohkit da ka CBI.
Ka kong Biangka Kyndiah president jong ka Mahila Morcha jong ka seng BJP, ka la ong ha ki ld pathai khubor b aka seng ka sngewkhia jur ban iohi ba wat u nongmih khmat paidbah u ba dei ban iada ia ki kynthei kynnah u shah kynnoh kylla bad mynta u don ha kti jong ka ain,
Kaba sngewsih ka long ba ka iing basa kaba la jia kine ki jingjia ba sngewsih ka dei kaba la pyniaid da kiba ha iing jong u myntri kam poh iing ka jylla u Bah HDR Lyngdoh, ban ioh ia ka jingtohkit kaba khuid dei ban leh da ka kynhun tohkit kaba lait luid kaba khlem da don kano kano ka jingshah liang.
Dei halor kane ka nongrim b aka seng BJP kan thoh sha ka sorkar pdeng ba kan leh ei ei ban tuklar lem ia kane ka kam namar haba ki nongmih khmat ki shah kynnoh ba ki don kti lang ka long kaba eh ba ioh ia ka jingthohkit kaba khuid.
