Shillong, Rymphang 07: Kan long ka sien kaba nyngkong ba ia ka mang tyngka mynta u snem mang pisa mynta u snem kan long Digital kaba mut yn nym don da ka kot ban pule kumba juh long baroh shikatta.
U Myntri rangbah ka jylla u Conrad K Sangma ba bat ia ka tnad pla pisa ka jylla, ia kane ka jingmang pisa yn sa pynipaidbah lyngbah ka National eVidhan Application website: https://neva.gov.in/Home/NeVA bad ka Meghalaya Legislative Assembly website: https://megassembly.gov.in/.
Ki dkhot jong ka iing dorbar thawain ka jylla kin ioh ban peit ia kane ka jingkren ha kaba ia dei bad ka mang tyngka lyngba ki tablet kiba la buh ha ki jaka shong ka jong ki kiba la depban pynbiang hapoh ka iing dorbar.
Ki ophisar jong ka tnad IT Cell jong ka Meghalaya Legislative Assembly Secretariat, kaba la ialam da u Computer Programmer u bah Dapborlang Marwein, mynta ka sngi u la ai jinghikai ia u myntri rangbah ka jylla kumno ban pyndon kam ia ka National eVidhan Application.
U Dr. Andrew Simons, Commissioner bad Secretary jong ka Meghalaya Legislative Assembly Secretariat, la ong ba kane ka jingle ka long ban hap ban ia bud ia ka jingkylla ha ka rukm trei kam jong ki iing dorbar thawain ban pyniaid ia ki iing dorbar khlem da pyndon kam kot.
Kane ka long kum ka jingpynkhreh ban pynlong ia ka jingpyniaid ia ka iing dorbar thawain ka jylla khlem da pyndon kam kot, sdang na kane ka jingshong dorbar kaba mynta da kaba kin pynrung ia ki jingthoh ha NeVA website bad jong ka Meghalaya Legislative Assembly website.
Ia ki dkhot ka iing dorbar thawain ka jylla yn ai ka lat ban phah ia ki jingthoh jong ki, kum ki jingkylli, bad kiwei ki jngdon kam lyngba ka App kaba don iaka bynta jong u wei pa uwei u dkhot ka iing dobar.
