Shillong, Nohprah 05: Mynta ka sngi por kumba hynniew baje ei ei jan miet ka ding kala klang kynsan ha ka jaka ba don ka Iew Thymmai jong ka Jaintia Hills Autonomous Council kaba don ha Lathalaboh.
U Deputy Commissioner jong ka West Jaintia Hills District la iathuh ba la ioh jingtip ba ka ding kala klang ha Iew jong ka JHADC kaba don ha Latthalaboh bad mar ia ioh ka jingtip la pyntip sha ki pulit bad ha ka por khyndai baje mynmiet la lah ban tem ia ka jingklang ka ding.
Na ka jingkhein kyllum kaba la shu shim mynta ka miet ka long ba ki don kiba la shah pynjulor ki don kumba 15 tylli bad la suba ba ka jingklang ka ding ka sdang na ka dukan sha ha jan ba buh dohkha. La iathuh ba hakane ka jingjia kam shym don kano kano ka jingjia kaba sngewsih.
Kiwei ki lat khubor ki iathuh ba kane ka jingpluh jong katei ka Iew Thymmai jong ka JHADC mynta ka sngi ka jingduh ka long da ki lak tygnka, ki dukan kidei kiba la shna da ki lyntang bad tam da ki tin sop iing.
