Shillong, Jylliew 23: Ka seng Confederation of Ri Bhoi People (CORP) mynta ka step kala ai jingiarap da u dai ia ki 55 tylli ki long iing kiba don ha shnong Mawthei kaba don hapoh Umroi jong ka Ri Bhoi District.
U Bah Bandari Ryntathiang president ka seng kmie u la iathuh ba ia kane ka jingiarap la ai sha kitei ki long iing da u president ka seng jong ka Mawthei Unit jong ka CORP. Kane ka long ka jingiarap kaba ka seng ka lah ban leh katba lah ei.
Ha kane ka jingkhang na ka daw jong kane ka COVID-19 ka CORP kala noh syniang shibun ki jingiarap sha ki paidbah nongshong shnong ka Ri Bhoi District katba ka seng ka lah ban kot la ka bor barit ban kner ia ki kti jingiarap sha ki paidbah.
