Shillong, Nailur 21: Ka Langrin Youth Welfare Association ka ai ka jingkyrshan ba pura ïa ka Khasi Author’s Society ban dawa na ka sorkar India ban ithuh bad ban pynrung noh ïa ka ktien Khasi ha ka khyrnit ba phra jong ka riti synshar jong ka ri ba kum ka jaitbynriew ka la donkam palat.
Ka thoh ka tar ha ka ktien khasi ka la biang pura ka la kot rynieng kot kyrdan bad ki nongthoh kot ba pawnam bad ba khraw nam jong ka pyrthei ka la ngam jylliew sha ki tduh ka duriaw baïar ym shuh tang da u stait hynrei da u khaw ha ki sop ki thiar.
Ka sorkar India ka la donkam ban pynrung noh ïa ka ktien khasi ha ka khyrnit ba phra jong ka riti synshar jong ka ri kat kum ka jing dawa jong ka por. Kum ka seng ka kyntu ïa baroh ki khun ka bri u Hynñiew trep Hynñiew wasa ban ïasnoh kti lang kawei ïa ka jingdawa jong ka Khasi Author’s Society ban ithuh noh ïa ka ktien khasi haka 8th schedule jong ka ri India.
“Lada im ka ktien im ka jaitbynriew, bad lada duh noh ka ktien duh ka jaid bynriew” ka LYWA ka khot ka wer ïa baroh ki Khun ka bri u hynñiewtrep ban ïa mih paidbah 22/09/2019. Ban snoh kti lang bad ka KAS”.
