Shillong, Naitung 09: Ka HYC Education Cell CEC, ka ai Khublei kyrpang iaka tnad Education Department Jong Jong ka Sorkar jylla halor ka jingpynmih iaki rai bad ka hukum ban kyntu iaki skul,college bad university kiba don hapoh ka jylla ba ki dei ban leh da ka online admission form kaba khlem donkam jingsiew naka bynta ki khynnah Pule class 11 bad kumjuh na ka bynta ki khynnah UG bad PG kiba dang ap iaki result examine Jong ki .
Ka Seng ka pynpaw ba kane ka rai jong ka tnad pule puthi Jong ka sorkar jylla ka dei ka seijam kaba bha naka bha tam kaba ka la shim na bynta ka bit ka biang Jong ki khynnah pule bad khamtam eh ban ngin lah ban ai iaki jingiada ba pura iaki khynnah pule naka jingshah ktah ha ka khlam COVID-19.
Ka HYC kala ong ruh ba kane kan long ruh ki seiñjam kumno ban ngin lah ban telakam bad ban iakhun pyrshah iaka saphriang Jong ka khlam COVID-19 hapoh ka jylla. Ka Seng ka kyntu ruh iaki Bor pyniaid skul, colleges bad ki universities ban kin buh ryntih ia kane ka hukum jong ka tnad pule.
Kane ka jingphah resgiter online ka long ban pynthikna iaka jingshngain bad ki lad jingiada naka bynta ki khynnah bad ki paid nongshong shnong Jong ka jylla hi baroh kawei naka jingshah ktah ha kane khlam COVID-19.
ka seng ha kajuh ka por ka kyntu ruh iaka tnad education ba Kan hukum ruh iaki skul, colleges bad ki universities ba wat iaki admission form ruh dei ban shah iaki khynnah pule ban kin submit online khnang Kan pynsuk iaki khynnah pule khlem da donkam ban kin wan kiew Shapoh Nongbah Shillong.
Ka sorkar kala dei ban ialad ba kin submit beit iaki phorm naki Shnong ki thaw ba ki don kane ka long katkum ka kyrwoh kaba la phah da u bah Enlang Sawian HYC Secretary ba dei peit iaka pule puthi.
