Ai por ka JAC kali kamai ia ki kompeni pynmih dewbilat 10 sngi ban pynkiew ia ka bai kitnong

Truck carring cementShillong, Naiwieng 03: Ka Joint Action Committee (JAC) ki kali kamai ban kit ia ki dewbilat kiba mih na ki karkhana kiba don ha Jaintia Hills mynta ka sngi kila shim ia ka rai ban ai por shiphew sngi iaki karkhana shna dewbilat ba kin siew ia ka bai kit katkum ka dor kaba la buh da ka sorkar.

U bah Bhalen Thubru u wei na ki nongkti kam jong ka JAC, u la ong ba ka dor bai kit kaba ki kompeni ki ai mynta ka long tang kumba .25 pisa na ka dor kaba la buh ka sorkar T.1.25 pisa ha ka shi kwintal. Lada khein ha ka ton pat naduh Lumshnong sha Byrnihat ka dang poi tang T.800 tyngka.

La iathuh ba ki kali kamai kiba kit ia ka dewbilat kaba mih na Jiantia Hills sha ki jaka bapher bapher ha ka shi sngi kin nym duna ia ka 400 tylli ki kali bad haba bun ka jingdawa ia ka dewbilat ki poi haduh 600 kali ruh ha ka shi sngi. Hynrei kane ka jingai duna dor palat kala ktah ia ki kali kiba kamai kit dewbilat.

Kumba ka long mynta kajingkit ia ka dewbilat da ki trok na ki kar khana ka long ki kali khatsaw shaka ki kit 25 tone, ki kali 12 shaka ki kit 20 tone bad ki kali 6 shaka ki kit 9 tone kane ka long katkum ka jingbuh jong ka sorkar.

U Bah Bhalen Thubru u la iathuh ba kane ka jingai por shiphew sngi kan long naduh mynta ka sngi ba ki karkhana dewbilat ki dei ban pynkiew ia ka dor bai kit kat kum ka dor sorkar lada ki kompeni kin leh ei ei na ka liang jong ka JAC kan hap ban ia pyrkhat da kumwei pat.

 

What Next?

Recent Articles

Leave a Reply

Submit Comment
*