Ai syrnod u rangbah shnong Pammura ioh EPIC bad Aadhaar u bar jylla ujor ka KSU sha u DC

Mawryngkneng, Naiwieng 30: Ka KSU Mawryngkneng Circle haka Jingialam u President u Samla Reallystar Nongspung, General Secretary u samla Shiningstar Kharbihkhiew haka jing iadon ryngkat u Incharge ka  Eastern Central Unit samla Vincent makri kila leit ia kynduh ia u Deputy Commissioner, East Khasi Hills district bad ia u Block Development Officer ka mawryngkneng C&RD Block hadien bala lap baki briew ba nabar kila sdang ban ioh pynrung kyrteng haka Electoral Roll Photo Identity Card (EPIC) bad Aadhaar Card.

ka seng  kalah lap ba uwei u briew uba Kyrteng u Pappu Das 31 snem  rta RZN01293 12,(SI.no 305) bad ( Part no-46) (House no-68) udei u khun jong ka Heminder Das ula ioh pynrung kyrteng haka EPIC bad Aadhaar ha shnong Pommura watla ka Dorbar shnong kam don jingtip bad jingithuh ia utei u briew .

Hadien bala dep wad bniah ka seng kala lap badei lyngba ka jing ai Syrnod pathar u Sordar jong katei ka shnong ia u Pappu Das ba pynshisha ba udei u ba la kha bad udei u trai shnong ba pura jong katei ka shnong , bad katei ka jingleh jong u Sordar ka shnong ka long ka bym don nongrim bad kaba buh jingma iaka shnong ka thaw bad iaka jaid bybriew rit paid.

Halor katei ka nongrim ka seng kala dawa na kibor ba dei peit ba kidei ban weng mardor ia utei u briew naka EPIC bad Aadhaar registration bad ka seng kala ujor katkum ki kyndon bala buh na ki bor badei peit.

Ka seng ka kyntu iaki Sordar bad Rangbah shnong ba kim bit ban ai Syrnod pathar shaki briew ba na bar namar ka long ka jing pynshlur iaki Mynder ban wan buhai shnong bad ban dawa iaka hok long trai shnong ka jong ki bad kane kan buh jingma kylla kum ka Jaidbynriew rit paid ka seng ka kyntu jur ruh iaki Booth Level Officers ba kidei ban peit bad bishar bniah bha iaki kot ki sla haba ki pynrung (Enrolled) ia uno uno u briew haka EPIC .

Ha kajuh kapor ka seng ka maham tyngeh ia ki katto katne ngut ki Sordar bad Rangbah shnong bad ki Mynnong ki Seng Sain pyrthei ba suba don kti iarap ia ki briew ba nabar ban pynbiang kot pynbiang sla bad ban pynrung ia ki briew ba nabar haka EPIC tang naka bynta ban ioh jingmyntoi shimet khlem da pyrkhat ia ka lawei jong ka pateng  jaidbynriew.

What Next?

Recent Articles

Leave a Reply

Submit Comment
*