Ba kiew syndet ka bai Bus-Sumo na Shillong sha Tura ujor ka AYWO sha u Conrad

Tura, Naiwieng 29; ka seng A,chick Youth Welfare organization(AYWO) mynta ka sngi kala phah da ka jingthoh sha u mytnri rangbah ka jylla u Cornad K Sangma halor ka jingpynkiew bai kali palat ki Bus bad ki Sumar na Shillong sha Tura bad kum juh na Tura sha Shillong.

Ha kane ka jingthoh kaba la phah sha u myntri rangbah ka jylla lyngba u Deputy Commissioner jong ka West Garo Hills, kila ong ba ka bai Bus ka long T.350/- tyngka baroh shi katta hynrei mynta la pynkiew kynsan sha ka T.500/- tyngka ka bai Sumo kaba juh long T.450/- tyngka la pynkiew sha ka T.600/- tyngka. Kane kala buh ia ki samla pule ha ka jingeh.Ha kane ka dorkhas, ka AYWO kala dawa ruh na u myntri rangbah ka jylla ba ka sorkar ka dei ban iarap ia ki samla pule da kaba pynmih ia ka hukum ba ki bus kin shim shiteng dor ia ki samla pule da kaba pyniia ka ID Kard ka jong ki.

Ha kane ka jingiakynduh na ka liang jong u DC bad u DTO kila ai ka jingkular ia ka seng AYWO ba kin sa pynhiar ia ka dor bai kali hapoh ka san sngi. Ha ka juh ka por yn bethah ia baroh ki ba pyniaid kali ba ki dei ban shim katkum ka dor sorkar kaba la buh.

Ha ka juh ka por na ka liang jong ka AYWO, kala buh ia ki ar tylli ki number phone +917005619212/+919089144026 ba ki paidbah ki lah ban ujor lada kiba pyniaid kali kim bud ia ka jingbethoh jong ki bor sorkar ha kaba ia dei bad ka bai kali. Ki paidbah ki lah ban ujor ha kitei ki number.

 

 

 

 

 

 

What Next?

Recent Articles

Leave a Reply

Submit Comment

*