Shillong Iaiong 26: u President ka seng Hynñiewtrep youths’ council (HYC) Ri War Mihngi u Bah Edmund Khongngai u pynpaw ka jing sngew khia halor ka jingud ki paidbah jong ka thaiñ Ri War Mihngi halor ka jingkiew dor ki mar ki mata khamtam u khaw ba ba shait bam paidbah u ba juh ong ki paidbah u khaw lai ka dor ka poi hakine ki sngi shaduh ka T.1700 haduh T. 1800 spah 50kg.
La ong ba u khaw lai haka por bym pat don ka lockdown ki paidbah ki dang ioh T. 1250 lane T. 1300 50kg) mynta ka la pyn sah umdum iaki paidbah naduh ba trei kam ka lockdown ha poh ka jylla ka jong ngi shi bynta ban iada naka jing pang covid19 kaba lah pur sted ha kylleng ki Ri jong ka pyrthei.
Kaba pyn sah umdum shuh shuh ia ki paidbah kalong ba ka jing kiew dor ki mar ki mata hato ki kiew dor na duh ki mahajon ha sor ne ka kiew tang haki dukan shnong halor kane ka shem jing eh iaki paidbah ban kynnoh iano iano ruh namar ki dukan shnong ki ong kala kiew ka dor naduh por ba ki thied naki mahajon.
Kumta une u Nongialam u kyntu bad ai jingmut iaki bor synshar Addtional Deputy Commissioner jong ka Civil Sub Division Pynursla lyngba ka tnad trei kam ba peit iaki marbam ba kin shna iaki price list bad ki dei ban sam sha ki dukan bad dei ban bthah ruh iaki dukan ba kin tah iaki dor ki marbam ha khmat dukan ka jong ki bad ki bor district ki dei ruh ban Pynshitom iaki to ki bym tah iaki dor mar bam ha khmat dukan jong ki bad dei ban khang shi syndon ruh iaki dukan ba leh pyrshah.
Namar ka jing kiew dor ki mar bam ka lah ktah shisha iaki paidbah khamtam kiba duna ka jingioh, nalor ka jing bym ioh bylla bad ban sa ka jing duk kiew dor sa ki mar ki mata ka lah pyn tyngkhuh jingeh ha duh katta katta khamtam ha kane ka por ba hiran ka pyrthei .
Kumta na ka liang u Bah Edmund Khongngai u la kyrpad jur ka ophis jong u ADC ba dei peit ia ka Pynursla Civil Sub Division ba kin shimkhia khamkloi halor kane ka jing eh ki paidbah.
Haka juh ka por ka seng ka kyntu iaki nongdie dukan ba kin pyrkhat lem halor ka dor ka mur ki mar bam ba kin sngewbha ban ai ka jingtreilang kum ha kane ka por ban ym shim kabu tang na bynta ka jing myntoi shimet hynrei to Pyrkhat lang iaki paidbah ba mat jingeh kum hakane ka por ba bun hi ki paidbah ki mat ki jingkyrduh khamtam haka liang ka pisa ka tyngka la pynkut ka kyrwoh.
